viernes, 16 de noviembre de 2007

16-11-2007 Gua

COUTU-BRAÑA MUMIAN-P.GUA-P.ALTU-BOBIA'L REBEZU-BRAÑA SOUSAS-COUTU
Viaxe bien llargu y cola carretera Somiedu n'obres, pese a to Eduardo, Riestra, Maite, Manolo, Bernardo, Juan Carlos y Yo llegamos a Coutu (850).
Dexamos los coches a la vera la carretera. Salimos polo cimero'l pueblu pindía pista p'arriba, cartelos por tolos llaos, prohibiu'l pasu, pasu prohibiu, sientese unu vixiláu, anque los satélites nun puean, eso imaxinamos, penetrar na espesura la biesca.
Asomamos l'oxetivu fotográficu por ente les rames de la biesca pa retratiar la fastera d'enfrente, el pueblu d'Urria y la carretera a Valle'l Llagu.
Llegamos a lo cimero de la pista, ante nuesos güeyos apaez la bien afama Braña de Mumian (1425), recorremosla d'arriba p'abaxo faciendo semeyes abondo.
Rompemos la tranquilidá, la nuesa tranquilidá como meyor sabemos, tirando polo más pindio qu'atopamos, vamos esguilando pola xélida fastera del picu Gua (1679), agora toca güeyar la zona del Puertu.
Baxamos dun picu, Gua, pa empicotanos notro, el Picu Altu (1849)
Disponemonos a baxar, agora toca la ración de piornos, salimos triunfantes, lo más apriesa que poemos, con dalgún rasguñu... na que no cure col tiempu.
Llegamos a una amplia praera con dos teitos, reondos, y una fuente con abundante xelu, anque brille'l sol fai un frío de...
Entovía queen ganes d'algamar otra cume enantes de xintar, la que más a mano tenemos ye la Bobia'l Rebezu (1925), nella nos empicotamos güei.
Baxamos cola idea d'alcontrar un llugar afayaizu pa da-y al diente. Xintamos cola espalda apoyá na pared duna bona cabana y el sol templandonos la sesera.
Col bandullu enllenu cuesta trabayu ponese en pie, damos a un buen cortáu, damos la vuelta buscando un camín meyor. Atopámoslu a costa de subir una... a estes hores ya no hay pendientes pequenes, ni siquiera les cuestes abaxo. El senderu da vueltes y vueltes y más vueltes, llegamos al Altu'l Moñon (1698) y pol interminable pedreru llegamos a les puertes de la Braña de Sousas (1420).
Otru montón de semeyes, mentanto tomamos resuellu, el día ta faciendose llargu.
Atopamos a un paisanu que nos da unes breves indicaciones que nos ayuden a dar col camín, baxamos pol Monte la Enramada, ta marchando'l sol, en metá la biesca ya paez de nueche.
Vamos saltando sebes y crucíando'l ríu Sousas dun lláu pa otru, ta cayendo la xelá y entovía nun se quito la d'ayer, paez que ta nevao.
Finamos a la vera los coches, entovía ye de día, la carretera cortá a ratos llargos fainos subir al Puertu San Lorenzu pa baxar a tomar daqué caliente a Teverga. Y de Teverga a... casina.

viernes, 12 de octubre de 2007

12-10-2007 Peña Ubiña

PUERTU LA CUBILLA-CASA MIERES-PEÑA UBIÑA-MEICIN-TUIZA D'ARRIBA
Tras una llarga peripecía llogramos tomar un café nel area de serviciu de la autovía na Pola Llena (cara,puerca y mal atendía) dalgunos veníen en coches. Agora ya vamos tos xuntinos nel autocar hasta'l altu del puertu La Cubilla (1683)
Comincipíamos a caleyar en direicción a la Casa Mieres, dexándola rápidamente atrás, notase que no ye muy píndio el tarrén. Enseguida el ritmu va faciéndose más cansin.
Tras atraviesar la vega Candioches llegamos a los Ollones, esguilando por un estrechu pasucu "l'estrechu" dando colos güesos nos puertos de Riotuertu,desdi onde ya güeyamos la meta de güey.


Seguimos la curiosina pendiente, crucíando la llinde con Lleón. Gelu y yo seguimos tras los culos dunes turistes, lo que como casi siempre lleva a la perdición. Solo conseguimos perder tiempu, muncho tiempu -dibemos los primeros y casi llegamos los últimos-
Metímonos pol peor pedregal, dando un pasu palante y baxando dos coles putes piedres faciendo de escalera mecánica, pero solo pa baxo, como la dela estación del Norte n'uvieu, ¿dalgún vio funcionar la que sube?... imposible ni en sueños.



Ya toca esguilar, coxiendose a les piedres coles dos manes, el ascensu faise llargu y el calor non ayuda muncho, los que vienen detrás siguen bien el mio rastru, van queando les piedres moyaes colos goterones de sudor.
Empicotámonos a 2417 m. somos un bueñ rebañu, el día ta nidiu, pa Lleón vese el terrenu amariellu. Pa baxar seguimos al grupu -cuanto meyor seguir a los que saben- hasta'l collau Terreros (1892). Güey taba el día torciu, Gelu y yo, desta acompañaos por Toni vamos por dielantre ensin parar hasta'l refuxiu'l Meicín, dalguna tubo que mendigar el pan, llevávalu yo (eso si, no lu comí ) xinté del míu, na vega del Mecín (1545) al sol, al pie del nuevu refugiu.
Aberración urbanística en mediu la natura, incluso palos que viaxen muncho y tan fartos de ver modernidaes.
Va llegando la xente, ya tos xuntinos vamos baxando xeliquinamente hasta Tuiza d'Arriba (1230).
Tras camudanos de ropa discurrimos el sitiu onde tomar una cervecina fresca.


asina ponemosi'l puntu final a esta xornada de sol, temperatura agradable, unos 18 grados, na que'n 8 hores nun vimos una sola nube.

viernes, 5 de octubre de 2007

05-10-2007 Penarrei

Recoxo a Riestra na estación del tren y empobinamonos pa Tuñon onde dexamos el coche, enantes desayunamos en Trubia. Güey tamos solo nosotros dos, vamos explorar una ruta que tien puesta pal grupu de montaña'l Trasgu Andayón.
Encontríamos un paisanu nel pueblu que nos toma por llocos, diz que nun pasa naide por onde pretendemos dir, no-i facemos casu, furamos como xabalis ente la maleza y el barru pa na. Bueno si, esti cachu ta quitau pal domingu.
Salimos a la carretera pa seguir por ella, evitando investigar otru tramu que se presenta peor que'l anterior, esta vez falamos cuna lloca (confirmaronnoslo más tarde) que dionos la razón. Tamos en Tenebreu (365) y baxamos un trechu pola carretera, dexamosla nuna pronuncia curva pa seguir pola pindia pista que nos dexa nel cumal de Penarrei.

Enseguía tabamos peleandonos coles cabres por un trozu de pena, llegamos rápido a un acuerdu, pa elles les piedres pa nosotros la cerveza, asina nos empobinamos pal pueblu.
El día ye soleau y el calor aprieta. Topamos un paisanu con ganes de falar, ye comprensible por Dosango (633) nun deben de pasar tantos viandantes. Aconseyame tapar la calva que esti sol ye muy malu.

En Pedroveya tomamos una cerveza al llau d'un horru, pa seguir ruta atraviesando to'l pueblu.
Llegamos pola carretera hasta la Rebollada y d'aquí al picu Serandi (783) onde nos sentamos a xintar tranquilamente, la temperatura ye agradable, ni frío nin calor, unos 20º.
Baxamos a la colla Serandi ente rebaños de cabres, y pola vera'l ríu llegamos hasta onde tan Paca y Tola, enantes de que Furacu yos llevantara dolor de cabeza. Desdi aquí pola senda'l oso llegamos a Proaza, son les 17.00, xusto a tiempu pa coxer el autobus que va dexanos nel aparcamientu de Tuñon.
En total fuerón unes 7 hores d'apacible marcha.

miércoles, 26 de septiembre de 2007

26-09-2007 Caín d'Arriba

PONCEBOS-CAIN (ruta'l cares)-CAIN D'ARRIBA
Queo n'Uvieu con Bernardo, ya en Cangues d'Onis desayunamos con Eduardo,Miguel y Riestra, allegámonos a Tielve, onde viendo la adversa climatoloxía decídimos dexar pa otra vegada la ruta prevista, asina sobre la marcha decidimos baxar al Cares, más que ná pa desentumecer les patuques.
Con ser entesemana, ya finales de brañu y cayer agua del cielu como si tuvierán pidiendolo de rodielles tolos Papas de Roma, encontríamonos con bastente xente na ruta.
Frío nun ta, ya cerca de Caín empezamos a ver rayos de sol, llimpío les gafes pa cerciorame del buen tiempu, pellizcase duel muncho, y pa celebralo tomamos una cerveza nel mismu pueblu.

Ya tenemos les pates desentumecíes, agora faltanos poneles picu arriba, na mexor pa ello que alleganos a Caín d'Arriba, como el so nome indica, ye p'arriba, bastante p'arriba.

Caín d'Arriba, grupu de cuadres, que tan arreglando bonamente, de xuru que dalgún madrileño merca una.

Xintamos a la vera una muria, cola música de fondo dún mastín que non dexa de lladrar.

Llevabamos ya tiempu faciendonos la misma entruga ¿cómo coño habíen subío to'l material?, la respuesta, por onde baxamos, una bona pista, ancha y con buen firme, que non encontramos pa subir, tampoco ye que la hubieramos buscao.

De nuevu en Caín retomamos la senda del Cares, y desoyendo tolos conseyos y adventencies que hay, baxamos hasta'l mismu ríu pa dir pola parte d'abaxo.
Al final aguanto'l tiempu y no nos moyamos más.