domingo, 25 de marzo de 2007

25-03-2007 Forcau'l Cuernu

TRESCARES-FORCAU'L CUERNU-LAS ARENAS
N'esta ocasión colamos en coches hasta Trescares, somos 19, paramos a desayunar en Cangues d'Onis, una vez aparcáu'l coche en Trescares (110) comincipíamos a caleyar carretera arriba hasta Cáraves (330) unos corcios casi nos pasen per encime la testa, tras facer la semeya de salía al llau de la ilesia recorremos la fastera de la sierra de Juan Robre, el día ta soleau, la temperatura apacible y la nieve que empieza a cruxir baxo les botes y tamién nálguna cabeza, dalgúnos declarense la guerra, anden a bolazu llímpiu anque casí tos emplegen táctiques illegales.

Na collá Arnias (800) separámonos, dalgunos suben al picu, otros, más sensatos seguimos de frente hasta les praeríes de Nava, onde facemos sitiu pa xintar y esperar plácidamente pol restu la expedición.


Una vez arrexuntaos, colamos tos pal frente (palanté suena meyor) remexones abondo apaecennos de frente, unos cuantos, la altura y el caudal d'agua ye espectacular, crucíamos dalgún regatu, y de repente, tamos colgaos a una altura considerable sobre'l Cares, por suerte adivinase un senderu que baxa pegau a la fastera, pindiu y estrecho, pero a estes hores valnos bien (y a otres tamién, ye bon senderu).

Vamos baxando pol senderu, empinau y estrechu, teniendo que salinos del mismu, faciendo equilibrios pa dexar pasar a un paisano que subía cuna caballería. Nosotros a lo nueso, a pola cerveza que taba esperandonos nas Arenas, dando por finalizá esta caminata de 13 km. 800m de subía y 700 de baxada, polos conceyos de Peñamellera Alta y Cabrales.

Enantes de la cerveza aún quedaba subir a polos coches a Trescares, cometiendose otra inxusticia, los que non teníen coche tomarón dos cerveces, asina non se arregla'l mundu, por muncho que insista el diretor xeneral de tráfico.


domingo, 4 de marzo de 2007

04-03-2007 Xuegu la Bola

BRAÑA TUIZA-XUEGU LA BOLA-BRAÑA LA CORRA-BRAÑA MURIAS-SALIENCIA
Güey toca pasear por tierres de Teverga y Somiéu. El sentíu común y les inclemencies metereolóxiques impidíeronnos cumplir el oxetivu previstu,el Michu que pendiente pa otra vegada.

Salimos de Xixón, nun llegamos a 30 los que paramos a desayunar en Teverga. Tiramonos del autocar na Braña Tuiza, en plenu ascensu al puertu San Lorenzo, la playa del mismu nombre ye más afayaiza pa caleyar.
Tras la semeya oficial, los más vieyos salen disparaos, vamos casi en llano hasta la braña'l Revellón, llugar idílicu onde los haya. Ya por un píndiu senderu, con carteles de la fauna autótona camuflaos entre la vexetación, algamamos la braña de Llamarxil, paecemos xaponeses disparando a to'l alreor. La furia semeyera va aplacándose a media que'l camín se empina, atravesamos no sin dificultad un riachuelu y damos con los güesos na Campa'l Ríu, arrevellamos a la drecha hasta'l Xuegu la Bola, les raches de aire faense más fuertes, llegamos casi a gates, hay que agarrase a los modernos miliarios ¿puestos pol ayuntamientu? pa que l'aire no nos lleve, alguna diz que-i salve la vida, no lo se, bastante tenía con manteneme en pie.
El Michu quea pa otra vez, arrexuntamonos, tumbaos nel suelu esperando polos últimos.


Vamos baxando hasta la braña la Corra, onde improvisamos un estudiu "natural" pa facer semeyes, tamos un buen ratu.

Desdi la parte d'abaxo desta braña sal un camín que nos dexa na braña de Murias, les nubes ya no son oscures, son negres. Asina que sentaos na muria damonos priesa en xintar, ye una contra-reloj con el "putu" nuberu, fue llevantar el culu y ponese esti a escupir con toa su fuercía, dando por finiquita la semeyera del día. Entovía nos queaba pasar poles brañes del Valle de Saliencia, que quearón sin retratar, baxamos agarraos al paragües por la pindia pista que nos dexa en Saliencia (1100), cambiamonos nel autocar, que por suerte tovía non tenía goteres.
Fuerón casi 17 km. en 7 hores de placentera marcha.