domingo, 19 de agosto de 2007

19-08-2007 As Catedrais

ILLA PANCHA-RINLO-PLAYA LES CATEDRALES


Llevanto la persiana y paez que va venir la playa a mi, llueve a mares, pero bueno siempre habrá un chigre nel que techase, pasen a recoxeme Ana y Hugo, en Villuir con un café caliente ente les manes esperennos Josito, Victor y Ana con Alvaro y Sergio, fuera sigue lloviendo y nun paez que vaya escampar.
Llegamos a Illa Pancha ya en tierres galleges y mientres llevamos un coche hasta la playa les catedrales, fin previstu dela ruta, non se como faen pa escaecer el frío.


De vuelta'l faru de Illa Pancha encontríamonos con bastante frío, tira un airín desagradable, consolamonos cola idea de que no llueve.
Comincipíamos a caleyar a la vera'l mar, la ruta de güey nun tien pérdida ninguna, por un llau el mar y pol otru la carretera, caminos hay pocos la mayoría son carreteres secundaries que nos lleven hasta Rinlo, no sin antes parar nun area recreativa, desolá y dexa de la mano de dios y de la consexería de turnu... Entramos en Rinlo, típicu pueblu gallegu (nun pongo opinión ninguna).
Seguimos alternando caminos y carreteres, baxando y subiendo a les playes, nuna delles sentamonos a xintar.



El sol va calentando y el camín va faciendose llargu, palos güajes y pa dalgún mayor. Finamos na playa As Catedrais, enllena de xente, la marea ta bastante alta, pero dalgunos mueyen los pies. Paecemos bichos raros ente tantos domingueros, dir a pie habiendo coches...

Ya de vuelta a casa, facemos una paradina enantes de Lluarca y despedímonos hasta la siguiente...
El día aguanto sin llover, lo cuál si nos lo dicen unes hores antes habríamonos reido un buen ratu, al final caleyamos algo más de 6 hores.

jueves, 9 de agosto de 2007

09-08-2007 Peña Vieja

EL CABLE-COLLAU LA CANALONA-PEÑA VIEJA-P.SANTANA-COLLAU LA CANALONA-EL CABLE

Güey madrugamos, salimos Bernardo, J.Carlos, Manolo y Cundi a les 7.15 d'Uvieu, desayunamos en Potes con Eduardo y Riestra que vienen de Xixón. Acercamonos hasta'l Cable, ye temprano y ya hay xente abondo, el día ta veraniegu, facemos cola, casi una hora tamos esperando pa subir nel teleféricu.

Comencipíamos a caleyar rodíaos de turistes y domingueros, la subía faise dura y el calor aprieta, a medía que subimos los domingueros van desapaeciendo.
Ente goterones de sudor y cola cabeza mirando pa baxo pasamos por delantre'l desvíu a Cabaña Verónica y Horcados Rojos, ta pindío hasta llegar al collau la Canalona, desdi onde ya güeyamos Peña Vieja.
Hay muncha xente subiendo'l picu, dalgunos con güajes demasiao pequenos a mi entender, hay otros sitios pa aficionalos al monte, tamién baxa un perru con una parexa de la Guardia Civil, dicennos que tan entrenando al perru, son del Grupu de Rescate de Cangues.
Cayen dalgunes piedres, polo que hay que tener cuidau.

Ya nel cumal les vistes son fabuloses, el día despexau ayuda a ello, y tamién la brisina que sopla lixera.
Baxamos pol mismu sitiu, de vuelta nel collau la Canalona decidimos subir al picu Santana, onde encontríamos a un solitariu canariu, no, no ye un páxaru, ye un rapaz natural deses isles.


Otra vez nel collau la Canalona, destá sentamonos a xintar, y pa baxo, hasta metenos na xaula del teleféricu, o eso pensabamos...




Hay xente como pa parar un tren, sacamos númeru y esperamos casi dos hores pa poer baxar, na espera entretenemonos colos personaxes, dalgunos dignos d'un estudiu...
Van semeyes desdi tolos angulos imaxinables a los alreores del mirador del Cable.

...Y a los pies delos personaxes, aquí van dalgunes entrugues. ¿a que vien esta xente? ¿que yos venden? ¿suben engañaos? y dalgunes opiniones... dicennos que'l tabaco mata y prohibenlo, que ye malo correr nel coche, y ponen multes, que a la montaña hay que dir preparaos... y el gobiernu de Cantabría (esta vez tocoi a Cantabria) solo preocupau de cobrar ¿15 €? más el refrescu y el recuerdu made in china, mientrés esperen pa volver a baxar.
Destá les semeyes fuerón a los pies, pero les cares cuando se víen en ningún sitiu y conel regustín deles piedríquines na sandalía tamién yerén dignes de retratar.
Pa finar, decir que fuerón 7 hores de caminata, más 3 d'espera pol aparatu y otres 3 de coche... un día muy llargu.