viernes, 23 de febrero de 2007

23-02-2007 Mota Cetín

VEGA SEBARGA-COLLAU TREBANDI-CANTU'L ESPINU-MOTA CETIN-VALLE TORAS- VEGA SEBARGA
Coxo'l tren hasta Uvieu, y xunto con Bernardo y J.Carlos vamos hasta Cangues d'Onis, onde nos xuntamos colos de Xixón, a saber Alberto,Perona y Riestra, dexamos los coches en Vega Sebarga y tiramos parriba, pola drecha'l río, vamos pol valle Carnedes, les Llombes, la cuesta la Fana... el día ye soleau, fai hasta calor, lo suficiente pa dir sudando.
Llegamos al Cantu'l Espinu (791) vamos pola crestería hasta el Cantu Trebandi, el día que taba nídiu y calurosu va tornandose gris.


Seguimos pola Colladiella y los Cuarezos (782), empieza a llover, el terren ye malu d'andar, ca vez llueve con más fuercía y fai hasta frío, seguimos caleyando, la moyaurá ya ye considerable. Llegamos hasta'l picu la Mota Cetín (1134) ente el agua y el día que se cubrio apenes nos vemos, ¿les vistes? dicen que son muy güapes, baxamos pol mismu sitiu por el que subimos pa desvíanos poco después, agora baxamos pol valle de Torás, paramonos a xintar, de pie, al llau dunes cabanes, va dexando de llover... lo poco que nos quea ya lo facemos baxo'l sol. Enseguía llegamos a Vega Sebarga, esta vez pol otru llau'l río. Coxemos el coche y pa casa.

Asina discurrio el día, que empezamos con calor y terminamos moyaos y con frío, por esti conceyu asturianu de Amieva, a lo tonto fuerón más de 1000 metros de desnivel.


domingo, 4 de febrero de 2007

04-02-2007 Faceu

ARNICIU-PICU FACEU-ESPINAREU
Recoxo a Pina y allegamonos a Xixón, a les 8 que son... les 8:05 salimos direición Llaviana, onde paramos a desayunar y atiborranos de los famosos bartolos, cualquier día queámonos hasta agotar existencies. El autocar sube a dures penes -la nieve fai la carretera más estrecha- hasta la collá Arniciu (916) onde tras un buen ratu, conseguimos poner les polaines y facer la semeya de salía enterraos onde más nieve había, el día ta ñublau, anque non faí frío.
Baxamos pola carretera, enseguía coxemos un desvíu a la drecha, ye'l Camín Real del Sellón, casi en llano y en fila d'un, pisando la nieve que ye abundante.
Pasamos al llau dela venta'l Frieru, casi en ruines, unos pocos decidimos subir al Faceu, polo que xiramos a la drecha, direutos al Picu, la subía ye dura, enterrandonos más duna vez, y de dos, hasta les rodielles y algo más parriba, pero empicotamonos nel Faceu (1232).
Baxamos direutos al camín, Josito y Toni siguen pabaxo, gustayos la aventura...


En llegando a la ermita del Sellón (solo queén cuatro piedres) sentámonos a xintar, el grupu que diba por delantre, tiro polo más fácil, camín pa baxo y sin freno. Pese a les voces non hubo manera convencelos que teníen que dar la vuelta, yo tampoco la daría, el casu ye que seguimoslos, alterando los planes y llamando al autobús pa que fuera a buscanos a Espineres a onde llegamos tras un descensu bruscu y pronuncíau por un bon camín carreteru.
Tras una semeya al llau del texu, intente sacar la ropa llimpia d'un autobús que non yera el nuesu. Una vez localizá la ropa llímpia, pusela con gustu.




Ya más relaxaos tomamos la cerveza de costume y pa Nava a xintar lo que buenamente fizó ca un pa deleitar a los demás... y a casina a descansar.
Nesta coasión fuimos un bon rebañín, 27 si no conte mal pa terminar faciendo 15 km. con un desnivel de 350 m. de subía y 1100 de baxada por tierres de Casu y Piloña.