jueves, 24 de mayo de 2007

24-05-2007 Los Calderones

PIEDRASECHA-LOS CALDERONES-AMARGONES-PIEDRASECHA
¡Güey vamos pa Castiella!
Voy'n tren hasta Uvieu, onde me xunto con Bernardo y J.Carlos, en Mieres esperamos a Eduardo,Alberto y Riestra, tiramos pa Lleón, na Magdalena coxemos'l pan, la panaería tovía ta pecha, abrenla al sentinos maldecir.
El día ye primaveral, fai sol y la temperatura ye agradable, aparcamos en Piedrasecha.
Enseguía me desengaño, Castiella non ye llana, tamos nel norte de Lleón.

Caleyamos casi en llano hasta la entrada al desfiladeru, baxa bastante agua, solo Riestra se arriesga a moyar los pies. El restu bordiamoslu, subiendo les escaleres del santuariu la Virxen del Manadero, y seguimos subiendo, la primavera faise notar, hay flores por tolos sitios.
Vamos subiendo ensin tregua, primero algamanos la Rueda (1622) y después Peña la Rueda (1765), vaya líu nomes, no se si tará bien puesto, pero eso pon esti mapa.
Juan Carlos desvíase hasta'l picu Santiago, nosotros seguimos otru camín, más rectu.
Hay una máquina plantando pinos na fastera'l monte, subimos ente les poces feches pola máquina, vamos derechos al cumal dela pena Santas Martas (1707), pa de seguio algamar el obxetivu del día, el picu Amargones (1897).
El día va tornandose gris.
Hay restos de trincheres y otres construcciones béliques, tenemos el pantano de Barrios de Luna debaxo nuesos pies.


Seguimos pol altu'l Palomar (1819), y ya to pa baxo, en llegando a Santas Martas tenemos la tormenta encima, el paragües fai lo que bonamente pue, que ye bien poco, metemonos nel desfiladeru de los Calderones ente rayos y truenos, cai agua con ganes, vamos saltando de piedra en piedra con cuidau de no resbaliar, tratando de evitar el agua que va por baxo y el que cai d'arriba.

Al salir del desfiladeru dexa de llover, da tiempo a facer unes últimes semeyes.

Ya'n Piedrasecha tomamos una cerveza, calienta'l sol, ya non se ve ninguna nube nel horizonte.

No hay comentarios: